حمام كليوباترا ل سعاد محمد سلامه الجزء الثاني

رد ماهر:طبيعه خاصه بتفرض عليهم خصائصها الجافه مع إنها محصوره بين الجبال والبحر…عندك جبل النداهه سمعت عليه أساطير كتير أن روح كليوباترا ساكنه الجبل ده.

تنهد سيزار مُبتسمًا يتذكر تلك النداهه التى تسببت فى سُهاده ليالى،وعلى ذكرها كان هاتفه الخليوى يصدح،أخرجه من جيبه ونظر للشاشه وتبسم،ثم نظر لـ ماهر الذى قال بمزاح:
واضح إن سيزار هيدخل القفص قريب،هطلع اخد جوله فى المُعسكر وأرجعلك تكون خلصت حب فى الموبايل.

قطب سيزار حاجبيه بمرح…إنتظر الى أن خرج ماهر من الغرفه ثم قام بالرد:
مش مصدق
نداهة الجبل بنفسها بتتصل عليا،أكيد أنا فى حلم.

تبسمت عوالى قائله:
عشان تعرف إنك محظوظ،يا سيادة القائد،بصراحه لقيت عندى شبكه فى الموبايل على غير العاده مصدقتش نفسى قولت أتأكد إنها مش شبكه وهميه،ورقمك هو اللى طلع قدامى حظك بقى.

ضحك سيزار بقهقه قائلاً:هعتبر النهارده يوم حظى،ويزيد حظى سعد لو أروح دلوقتى جبل النداهه عندى وقت راحه لحد التدريب المسائى وبسهوله ألغيه وأنتظر النداهه لحد الفجر.

تبسمت عوالى وفكرت قليلاً ثم قالت:
الليله هيبقى القمر أحدب، ما سمعتش فى الأساطير إن القمر الأحدب بيرمز فى الاساطير القديمه للنحس.

ضحك سيزار قائلاً:
انا مُحارب ومجازف وعندى إستعداد أتحدى الاساطير وأطوعها لصالحى.

مغرور…،واضح إن الشبكه عندى بدأت تقطع.

ضحك قائلاً: لأ واثق من نفسى،سلام.

أغلق سيزار الهاتف يبتسم وخرج من الغرفه الى خارج الثكنه العسكريه تقابل مع ماهر الذى قال:.غريبه أنا توقعت المكالمه تقعد ساعه،يظهر الشبكه هنا بتقطع كتير.

قطب سيزار حاجبيه قائلاً:.خليك هنا وعشان التدريب المسائي…عندى مشوار مهم.

تخابث ماهر قائلاً:براحتك أنا سداد يا سيادة القائد،بس بلاش تستغل الزماله،ولا أقولك يمكن أحتاجك فى يوم برضوا تسد مكانى بس بلاش تبات خارج الثكنه،معندناش قائد يبات بره كتيبته.

لكم سيزار ماهر بصدره قائلاً:
بلاش رغى كتير،سلام.
…..ـــــــــــــــــــــــــ
بـ خيمة جسور الزيانى
إستقبل هو ومؤنس ومجموعه من كبار شيوخ العشيره
جلال ومعه حيدر وعامر وفهد.

بعد الترحيب بينهم
جلسوا جميعًا يحتسون القهوه العربيه،عدا حيدر الذى بداخله غِل وهو يرى ذالك التآلف اللطيف بيم رجال العشيرتين وذالك الترحيب الفخم من جسور لهم.