سأكتب اسمكِ على الرمال سعاد محمد سلامه من الفصل الخامس الى التاسع
﷽
#سأكتب اسمكِ على الرمال
الخامس
❈-❈-❈
بالڤيلا
بغرفة نوم درية ونصر
عدل الوسادة أسفل رأسه ثم إستلقي على الفراش تبسم حين صعدت درية لـ جواره بعدما نزعت عنها مئزر المنامة، بادلته البسمة لكن بداخلها ودت لو رفع يده وإحتواها بحضنه،تضع رأسها على صدره..لكن ظل ذلك أمنية،تمددت هي الأخري على الفراش
ساد الصمت بينهما حتى تنهد نصر بعمق..
شعرت درية بتلك التنهيدة، فالتفتت إليه وسألته:
إيه اللي مطير النوم من عينك؟
ظل نصر صامتًا لحظات، ثم قال بتفكير:
أديم… وجوازه من ميراچ.
تغيرت ملامح درية قليلًا، وقالت:
مالهم.
أجابها بتوضيح:
إنتِ عارفة إن الجوازة دي ما بدأتش باختيارهم.
أومأت قائلة:
ـ عارفة… بسبب الوصية.
أومأ نصر قائلًا
بالضبط.. اتجوزوا علشان ينفذوا شرط مكتوب في وصية، مش علشان كانوا بيخططوا للجواز من الأساس.
صمت قليلًا، ثم أردف بقلق:
وده اللي مخليني مش مرتاح… أديم دخل الجوازة وهو مغصوب ، كمان وميراچ وافقت علشان الوصية برضه… لكن محدش يعرف إيه اللي ممكن يحصل بعد ما يعيشوا تحت سقف واحد.
نظرت إليه درية بهدوء قائلة:
مش يمكن الوصية اللى جمعتهم تكون منفعة لهم.
ابتسم نصر بسخرية خفيفة:
الوصايا بتحط شروط يا درية، إنما القلوب ملهاش شروط.. إختيار العقل بيريح.
تأملته للحظات شعرت بغصة فهي إختيار العقل… قالت:
يمكن هما نفسهم لسه مش عارفين إذا كان اللي بينهم مجرد جواز مفروض… ولا حاجة تانية.
التفت إليها نصر… في عينيه شيء من التفكير.
أديم عمره ما كان بيتقبل إن حد يفرض عليه حاجة. ومع ذلك نفذ الوصية واتجوز ميراچ.
تفوهت بهدوء:
علشان كان عنده سبب أقوى من رفضه.. الميراث.. أنا مش فاهمه ليه عمي نبيل حط الشرط ده، ليه بالذات ميراج، هي مش من ضمن أحفاده، أنا صحيح بحبها وبعتبرها زي ولادي بس الحق يتقال، هي من ضمن الورثة، ليه يعطيها النسبة دي كلها، وليه شرط جوازها من أديم بالذات، كان ممكن يشترط ريان.
نظر لها بصمت هو كان يعلم فحوى الوصية وهو قام بالامضاء كشاهد عليها، لكن حين سأل والده وضعه فى حيرة وكان رده
“مع الأيام هتعرف… الوصية دي رد حق ميراچ”
تنهد قائلًا
وده اللي مخوفني… أديم قبل مش بس عشان الميراث..
السبب ميراچ