سأكتب اسمكِ على الرمال سعاد محمد سلامه من الفصل الخامس الى التاسع
أغمض عينيه للحظة، ثم قال:
عارف… وعشان كده مش هروح أخرب جوازتها.. أنا بس عايز أشوفها بعيني، وأتأكد إنها بخير.
شدت والدته على ذراعه تحاول إقناعه قائلة:
ولو عرفت إنها بتحبه.
صمت طويلًا، قبل أن يجيب بابتسامة مكسورة:
ساعتها… هبارك لها، حتى لو قلبي هو اللي هيدفع تمن ده.
❈-❈-❈
مساءً
أمام المشفى
خرجت كنزي من باب المشفى بعد يوم عمل طويل، وما إن رفعت عينيها حتى رأته.. همست وهي تتذكره:
ريان.
كان واقفًا بجوار سيارته، وكأنه ينتظر أحدًا، لكن بمجرد أن وقعت عيناه عليها، تبدلت ملامحه وظهرت على وجهه ابتسامة تلقائية.
توقفت للحظة… تشعر برفرفة قلبها بطريقة أزعجتها، فتمتمت لنفسها:
يا ربي… هو تاني!
خفضت عينيها سريعًا، وقررت أن تمر من جواره وتدعي أنها لا تهتم به
لاحظ مرورها من جواره دون إهتمام… صوته أوقفها.
مساء الخير يا دكتورة كنزي.
التفتت إليه، ورفعت حاجبها باستغراب مصطنع:.
مساء النور.
ابتسم قائلًا:
مش فاكراني؟
ابتلعت ارتباكها وقالت ببرود
للآسف مين حضرتك.
إندهش قائلًا:
حضرتك؟
أومأت.قائلة:.
أيوه مين حضرتك… والد طفل بيتابع عندي.
اقترب منها خطوة قائلًا:
أنا كنت فاكر إننا اتعرفنا في المرة اللي فاتت.
ردت بسرعة تدعي النسيان:
للآسف مش فاكرة حضرتك.
نظرت إليها بضيق قائلًا:
كنت مع فريدة وميلا الصبح.
تغيرت ملامحها للحظة، وسألته بسرعة
فريدة؟
ابتسم بتأكيد قائلًا:
أيوه، فريدة وميلا.
تعمدت التوقف كانها تتذكر ثم قالت:
أه أفتكرت.
ابتسم وهو يتأملها للحظة… قائلًا:
أنا بقى من ساعة ما اتقابلنا الصبح وأنا مستني الصدفة تتكرر.
ارتبكت، وحاولت إخفاء ابتسامتها… قائلة:
بس الصدفة ملهاش ميعاد.
أومأ لها قائلًا:
تعرفي بقالى قد إيه واقف هنا مستني تطلعي.
لا تعلم لما لم تتعصب عليه وتقوم بصدة تفاجئت بنفسها
ضحكت رغمًا عنها… قائلة:
إنت غريب.
بجرآة:
بس عاجبك.
رفعت عينيها إليه، فوجدته ينظر لها بإعجاب واضح.
حاولت تغيير الموضوع… قائلة بسؤال:
إنت بتعمل إيه هنا؟
أجابها بجرآة:
كنت مستنيكي إتأخرتي ليه.
شعرت بارتباك لكن
تداركت نفسها… وظلت صامته، تبسم قائلًا ببرود:
أوعي أكون مضايقك.
-ها…
قالتها بتعلثم… ضحك قائلًا:
أصل وشك اتغير.