سأكتب اسمكِ على الرمال سعاد محمد سلامه من الفصل الخامس الى التاسع

ظل ينظر إليها للحظات، ثم قال:
عارف إنك مهندسة معمارية… بس مين اذن لك تشتغلي هنا… ومن إمتي.

ردت وهي تحاول تجاهل نبرة الغيرة التي لم تفهم سببها:
من النهارده… ومش محتاجة إذن.

ابتسم ياسر وهو يراقبهما ثم تعمد القول:
بقولك إيه يا أديم، متقلقش… أنا داخل مشروع جديد ومحتاج مهندسة فعلًا تتابع…

رمقه أديم بنظرة حادة فصمت بينما تفوه أديم بتهكم :
محتاج مهندسة، مينفعش مهندس

ضحك ياسر… وأومأ بصمت
خفضت ميراچ عينيها بضيق، ثم قالت:
ممكن بلاش كلام كتير.

أومأ ياسر وبعناد تحدث:
عندك حق. تعالي أوريك التصميمات، ونشوف التعديلات المطلوبة قبل ما نبدأ التنفيذ.

اتجهت ميراچ معه نحو المكتب الجانبي، بينما بقي أديم مكانه يراقبهما بصمت.

لم يكن يضايقه عملها…
الذي أزعجه حقًا أنها ستقضي وقتًا طويلًا خارج آدارته…
لم يتحمل سوا دقائق ونهض جذب ميراچ من يدها قائلًا بعصبية:
تمام طالما عاوزة تشتغلي يبقي تشتغلي عندي فى شركة الشحن.

نظرت له بذهول قائلة:
هشتغل إيه فى شركة الشحن، أنا دراستي هي الهندسة… واللى بفهم فيها.

أخفي ياسر بسمته بصعوبة، بينما تحدث أديم ببرود:
مش ليكِ نسبة فى أسهم الشركة يبقي تشتغلي فى الشركة إنشاله فى شؤون العاملين.

بغضب نفضت يده قائلة:
شؤون العاملين، وهشتغل فيها إيه.

تنهد بغضب قائلًا:
أنا بقول فرضً مش تأكيد.

قال ذلك وسحبها من يدها، حاولت سلت يدها منن قبضته، لكن قبض بقوة، ثم سحبها غصبً سارت معه، بينما هو توقف للخظة، نظر لـ ياسر، الذي ضحك وهو يرفع يده فوق فمه كعلامة الصمت.

لحظات سارت معه حتى لا تلفت انظار الموجودين حتى وصلا إلى مرآب السيارات توقفت بغضب سحبت يدها من يده بعدما تهاوت قبضته قائلة بتعسُف:
كفاية أنا مرضتش أعمل مشاكل قدام الموظفين فى المكتب… و..

قاطعها بغضب قائلًا:
مين اللى سمح لك تخرجي من الشالية.

تهطمت بضحكة إستهزاء قائلة:
الكوخ بتاعك اللى أوضتين وصالة بقي شاليه… وخرجت مفكرين هفضل قاعدة مستنية رجوع حضرتك… إنت عارف جوازنا مجرد تنفيذ وصية، يعني ياريت بلاش تظهر تحكمات ملهاش أساس.

قالت ذلك وقامت بنفض يده وإبتعدت عنه، توجهت نحو باب الخروج من المرآب، دون النظر خلفها ولا الإهتمام لنداؤه الوحيد.. زفر نفسه بغضب ينظر فى اثرها حتى إختفت من أمامه.. عاد يسحب نفس آخر قائلًا بصبر:
قال تشتغل و…