سأكتب اسمكِ على الرمال سعاد محمد سلامه من الثاني عشر والثالث عشر
قبل أن يستكمل حديثه قاطعته بعنفوان:
عادي… أنا أعرف غيرها كان على إستعداد يتبرع كل يوم بدمه… ومكنش فارق معاه إن دمه يتصفي بس اللى قدامه…
صمتت تشعر بوجع لا تعرف مكانه أين..
تنفست بقوة قائلة:
دمي مش لقياه يا أديم، عندك فى الشركة مئات الموظفين، وكلهم يتمنوا يقدموا لك خدمة تطوعية، لكن أنا لاء.
كلماتها تتردد برأسه، رفضها النهائي.. كأن هذا كل ما قالته لم ينتبه لما قالته غير ذلك… إنحني عليها بغضب يتحدث من بين أسنانه وهو يجذب عنها ذلك الدثار التي تتشبث به تُخفي عُري جسدها أسفله.. وقال :
كويس… مالوش لازمة الشاور دلوقتي.
قبل أن تستفهم.. كان يُزيح الدثار وجثم بجسده فوقها تجمدت ميراچ للحظة، واتسعت عيناها وهي تحدق فيه غير مصدقة ما يفعله.
وضعت كفيها على صدره تدفعه عنها، وقالت بصوت اختلط فيه الغضب بالألم:
أديم… ابعد عني.
لكنه ظل يحدق في عينيها، والغضب يشتعل في ملامحه، إلا أن شيئًا آخر كان يختبئ خلف ذلك الغضب… شيء يشبه الوجع.
قال من بين أسنانه:
إنتِ اللي وصلتيني لكده.
ضحكت بسخرية موجوعة قائلة:
أنا..
اقترب بوجهه منها، ثم توقف فجأة عندما رأى نظرتها…
لم تكن نظرة امرأة غاضبة فقط…
كانت نظرة امرأة انكسر شيء داخلها… لكن
قالت بصوت أكثر هدوءًا، لكنه كان أشد قسوة:
أيوه… أنا الغلطانة.
عقد حاجبيه وكاد يقول:.
ميراچ…
لكنها قاطعته:
أنا الغلطانة لأني صدقت…
صمت للحظات ثم بوجع
تابعت وهي تحاول أن تحبس دموعها:
صدقت إن اللهفة اللي شفتها في عينيك كانت حقيقية… صدقت إن اللحظة اللي جمعتنا من شوية كان ليها معنى عندك.
ابتعد عنها قليلًا…
لكنها رفعت عينيها إليه وأكملت:
وأول ما احتجتني… افتكرت إني مراتك.
تغيرت ملامح وجهه… وقال بحدة:
إنتِ فاهمة كلامك غلط.
هزت رأسها قائلة:
لا. أنا فهمت كويس أوي.
ثم أضافت بوجع:
إنت بنفسك قلتها… مامت حبيبتك.
توقف…
الكلمة التي خرجت منه بلا تفكير عادت الآن تضربه هو…
نظر إليها طويلًا، ولم يجد ردًا.
أما هي فمسحت دمعة خانتها، وقالت:
أنا مش هسمح لنفسي أكون البديل عن كارلا يا أديم.
ارتبك للحظة..وعاود كلمتها بخفوت:.
بديل.
قالت بجرأة:
طالما بتحبها للدرجة دي، روح لها… ساعدها. أوقف جنبها… اتجوزها لو عايز… مفيش بند فى الوصية يمنع جوازك… وإنت سبق وقولت سهل تتجوز وأبقي أنا الزوحة التانيه… أعتقد مش هتلاقي مناسب لك أكتر منها.. كمان بتحبها.