حمام كليوباترا سعاد محمد سلامه
شعر عامر بالبُغض ناحية حيدر،لكن فعل مثله وتبسم قائلاً:
خير يا حيدر؟
جلس حيدر لجوارهم قائلاً:
خير إن شاء الله،شوف بقى يا شيخ جلال من عوايدنا إن الشاب يتزوچ من بنت عمهُ او بنات العشيره،وبما إن ربنا مكنش رايد لـ بوى بنات،فـ عامر يتزوج من بنت من بنات العشيره،وسلوى مرتى عندها أخت صغيره وملهاش واد عم،فبقول….
إنتفض عامر قائلاً:
لأ أنا ماريدش إتزوچ دالحين عندى الاهم من الزواج.
تخابث حيدر قائلاً:
شو الأهم من زواچك دالحين،ولا تكون رايد بنت تانيه،قول وعمى بالتأكيد مش هيرفض طالما من بنات العشيره.
تعلثم عامر قائلاً:
الاهم مصلحة العشيره،وبعدها أبقى أفكر فى الزواج.
بنفس المكر والخباثه تحدث حيدر:
وايه اللى يوقف مصلحة العشيره بزواجك؟
رد عامر:
مش شايف حال العشيره محصول القمح اللى حدانا واللى عطب نصه بسبب قلة المطر وكمان مشكلة الجماعه القذره اللى مسمين نفسهم جماعة النصره
فى أكتر من بنت من بنات العشيره إتخطفت واهلها ميعرفوش عنها إن كانت حيه ولا ميته.
رد حيدر بتهكم بنبرة خباثه:
إنت مصدق إن البنات دى أتخطفت،دول أكيد فى اللى لافوا عليهم وغوهم وهجوا معهم
وإن كان على محصول القمح اللى عطب بسيطه نشترى من خارج القبيله اللى يسد إحتياجتنا لحد المحصول السنه الجايه.
تهكم عامر قائلاً:محسسنى إنها سهله إن تشترى اللى يسد إحتياجات القبيله إذا كان الحكومه نفسها بتلاقى صعوبه فى شراء القمح،وبعدين موضوع زواچى خاص بيا،إنت لا تدخل فى شئ لا يعنيك،وإن كان على أخت زوچتك فـ إبن خالها كلم الشيخ جلال عنها وخلاص أخد الموافقه منها وقريبًا هينعقد كتابها.
قال عامر هذا ونهض واقفًا يقول:.عندي شغله هامه لازم إنتهى منها اليوم،أشوفك المسا يا بوي.
غادر عامر وترك حيدر يحاول كبت غيظه لكن مازال حيدر يبُخ سُمه فى عقل جلال قائلاً بخباثه:
عندى شعور إن عامر فى واحده رايدها ويا خوفى تكون غريبه ومش من عشيرتنا.
تعصب جلال قائلاً:
شعورك خاطئ،عامر بيعرف أعرافنا زين وما يقدر يخالفها،وزوچته لازم تكون من عشيرة العبيدى.
رد حيدر بتوريه:
هو صحيح عارف أعرافنا،بس كمان سبق وإتحدثت معاه وقالى إن بوى إتزوچ سابق من إيطاليه،فهو حر.