لعنة الماضي سعاد محمد سلامه
ترك إسماعيل الملف،ونظر متبسم للساعى قائلاً:متشكر القهوه فعلاً جت فى وقتها بالمظبوط.
تبسم الساعى قائلاً:صحه وهنا معاوزيش منى حاچه تانيه،أنى فى خدمة چنابك وأسمى عطوان .
تبسم إسماعيل:لما هعوزك بحاچه هناديلك يا عم عطوان بس دلوقتي بشكرك عالقهوه،اللى ريحتها تعدل المزاج.
إبتسم عطوان بترحيب قائلاً :أنى خدمة كتير تحت يد جُضاه،بس أنت أول جاضى يجولى يا عم عطوان ربنا يعلى مراتبك وتُبجى فى يوم وزير العدل.
ضحك إسماعيل:وزير العدل مره واحده متشكر لأمنيتك الطيبه بس صدقنى العدل كلمه مش سهله يا عم عطوان.
تبسم عطوان داعيًا له:
أنا جلبى إنشرح لك، وهدعى لك ربنا ينور بصيرتك ويكون حُكمك عادل ويجعلك نصير الحق دايمًا.
ـــــــــــــــــــــــــــــــ………
بالمساء
بأحد الشُقق الخاصه.
بغرفة المكتب
فتح إسماعيل ذالك الملف وأعاد قراءة
إسم المتهم”ماجد ثروت الشعراوى”
تحدث هامساً:السنين لفت بسرعه،من قبل ما أقرى أسمك عرفتك طلعت بتشبه أبوك مش بس فى الشكل الخارجى،لأ وكمان نفس الطباع القذره،بس علشان أريح ضميرى هقرى التحقيقات مره تانيه،علشان مغلطش نفس الغلط القديم،وإللى دفعت تمنه بريئه.
بدأ إسماعيل قراءة الملف، بتمعن شديد الى أن أنتهى، منه وأخذ القرار بناءً على تلك التحقيقات، وشهادة الشهود، وأيضاً مُلابسات القض..يه، وضع الملف، على المكتب ونهض تارك غرفة المكتب، وتوجه الى غرفة النوم،
وجد زوجته نائمه على الفراش لكن مازالت مُستيقظه تقرأ بأحد الكُتب الخاصه بتعليم الأطفال.
نظر لها قائلاً: لسه صاحيه، يا “لميس”
وضعت الكتاب جانباً وقالت له: كنت براجع بعض المعلومات علشان رباب، لما تسألنى عنها أعرف أجاوبها، بس أنت خلصت قراية الملف اللى كان معاك بسرعه،أيه القض..يه سهله قوى كده؟
خلع المئزر الذى كان يرتديه، ووضعه على أحد المقاعد، وتوجه الى الفراش جوار لميس وجاوبها: بالعكس دى قض..يه مهمه جداً، بس التحقيقات موضحه كل شئ قدامى، وأخدت القرار.
أبتسمت لميس قائله: ربنا يوفقك للحكمبالحق.
قالت هذا وأقتربت منه، وضمت نفسها لجسده، وقبلت وجنته تنظر له بشوق، فهم إسماعيل نظرات عيناها، هى تريد حقها منه، وبالفعل أعطى لها هذا الحق، لينهض من عليها بعد وقت، نائماً بظهره على الفراش شعرت به كآن عقله مشغول أقتربت منه ووضعت رأسها على صدره وهمست له
قائله:
مالك حاسه أنك مضايق،أو عقلك مشغول.؟