لعنة الماضي سعاد محمد سلامه

إرتعب ثروت وذهب نحوها يُزفر أنفاسه ويلعنها.

بينما قالت سماح التى تُكمل نزول السلم بتهجم:
أيه اللى نزلك عندك تحت السلم.

تعلثم ثروت قائلاً بكذب:
أنا سمعت زى ما يكون صوت عينادم علي.

تهكمت سماح قائله بعُنف:
ومين اللى عينادم عليك إهنه، مفيش غير البت رباب هى عشان رجليها شالتها وخراط البنات خرطها هتحط عينها على أسيادها ولا إيه، هى ناسيه هى مين دى حته لقيطه وبنحسن لها، أوعى من جدامى أما أدخل لها مجعدها أعرفها مجامها.

أمسك ثروت يد سماح قائلاً:
مالوش لازمه عاد اللى هتعمليه فيها، أنا واعى ليها مش حته بت عيله زى دى هتلفت نظرى لها.

قال ثروت هذا وهو يعلم نقط ضعف سماح وإقترب من أذنها وهمس لها بعض الكلمات بوقاحه يعلم مفعولها عليها، شعرت برفرفه فى قلبها وتناست أمر رباب وصعدت معه الى غرفتهم، لتبدأ معه وصلة غرام كان يتخيل بريئه ذات وجه ملائكى، يود الظفر بها لكن تلك القبيحه التى تسكن بين أحضانه يعلم ان
قُبح قلبها أسوء من قُبح ملامح وجهها.
….. ـــــــــــــــــــــــــــــــــ
بعد مرور يومين مساءً
كان منزل جبر الشعراوى يستعد من أجل زيارة أهل خطيبة شاكر.
مساءً
دخلت نفيسه علي الخادمتين بالمطبخ قائله:
ها خلصتوا تچهيز الوكل،الضيوف جدامهم أجل من ساعه ويوصلوا مش عاوزه حاچه ناجصه جدامهم.

ردت إحدى الخادمتين:
آيوه يا ست نفيسه خلصنا الوكل مبجاش ناجص غير السلطه وأنا جولت لـ رباب متعملهاش الأ الآخر عشان متسردش ميه.

ردت نفيسه:وهى فين رباب دى كمان.

ردت الخادمه الآخرى:
طلعت للچنينه تجطف عودين بجدونس عشان السلطه.

ردت نفيسه: ما بتصدج تطلع للچنينه عشان تتلكع، حد ينادم عليها عشان تبطل مياصه وتخلص السلطه، مش عاوزه حاچه ناجصه مفهوم .

بينما بحديقة المنزل،سارت رباب تنظر الى تلك الاحواض الصغيره المزروعه ببعض الخضروات الورقيه،إنحنت كى تقطف بعض من اعواد البقدونس،لم ترى ذالك المتسلل الصغير الذى ورث حقارة والده، لم تشعر به الا حين شعرت بصفعه أسفل ظهرها.

إستقامت بشهقه ووضعت يدها مكان الصفعه ونظرت الى ذالك الذى جرى للداخل، شعرت بالآشمئزاز من فعلته لو بيدها كانت ردت لها الاف الصفعات على وجهه كى لا يفعل ذالك الفعل الشائن مره أخرى، لكن لا تملك سوا لسانها وقالت بدعاء:
إنشاله يدك تتجطع، يا جليل الادب والربايه، هجول أيه ما إنت إبن ثروت، الجباحه والأباحه فى دمكم سلسال… يارب يدك التنين يتجطعوا.