لعنة الماضي سعاد محمد سلامه

وقفت رباب
تنتظر، وتنظر له حين نهض من على مقعده وتوجه ناحية وقوفها وأخرج مبلغ مالى من جيب سترته ومد يده به لها قائلاً:
ده مرتب الشهر اللى إشتغلتيه معايا.

بحرج منها مدت يدها وأخذت المبلغ على إستحياء منها… وكادت تغادر صامته، لكن تحدث اسماعيل:
مش تعدى مرتبك قبل ما تمشى مش يمكن مبلغ أقل من اللى أتفاقنا عليه، أو يمكن فى زياده من عندى.

شعرت رباب بالخجل قائله:
حاضر هعدهم.

عدت رباب المال ثم أخذت جزء منه وقالت:.دول زياده عن المرتب اللى إتفقت عليه مع الشيخ نعمان.

قالت هذا ومدت يدها له بهذا المال.

تبسم إسماعيل متهكمً وقال:
عارف إن فى مبلغ زياده عن المرتب،أنا زودته جصد منى، عشان تشترى لنفسك كم هِدمه جديده تلبسيهم بدل الطجم اللى معندكيش غيره ده،إنتِ تعتبرى واجهه للمكتب،ولازمن الواجهه يكون لبسها كويس عالاقل.

شعرت رباب بوخز فى قلبها وكسرة نفس وقالت بخفوت:.حاضر هاخد الفلوس وهشترى لى طجم جديد،تسلم.

قالت هذا وغادرت المكتب تشعر بكسرة نفس،لكن لما الآن تشعر بوجع فى قلبها ليست هذه المره الاولى التى تشعر بتلك الكسره.

بينما لام إسماعيل ذاته قائلاً:
مكنش لازمن تتحدت وياها بالطريجه دى.
،لكن فى نفس الوقت تذكر حديثها قبل قليل ومزحها مع احد الزبائن،فعاد الى جموده.
ــــــــــــــــــــــــ…….
بعد مرور عدة أيام
تأخرت رباب على ميعاد ذاهبها الى المكتب
تعجب اسماعيل ولا يعرف سبب لضيقهُ لكن
فى نفس اللحظه وجدها تدخل الى المكتب تحمل بين يديها مزرعة ورد بلدى طارحه زهور لونها أحمر.

نظر لها قائلاً:
أيه اللى آخرك وأيه المزرعه اللي على يدك دى .

تبسمت قائله ببراؤه:
اللى أخرنى روحت للراجل صاحب المشتل عشان أچيب منه المزرعه دى،أنا كنت موصياه عليها من فتره،ولما جابلته النهارده جالى إنه عنده مزرعه فى المشتل،روحت چيبتها منيه.

رغم ضيق اسماعيل من تأخيرها كذالك لكن هنالك شعور آخر سيطر عليه بسبب قولها أنها ذهبت مع ذالك البائع الى مشتله،لكن حاول السيطره على نفسه قائلاً:
ومزرعة الورد دى مهمه عندك لدرجة إنك تروحى مع البياع لحد مشتله وتتأخرى على ميعاد فتح المكتب.

إستنشقت رباب إحدى الزهرات ثم قالت بإنشراح:
انا بحب الورد البلدى جوى،وبالاخص اللى لونه أحمر،وخوفت يبيع المزرعه زى ما عمل سابج،بس وجتها مكنش معايا تمنها،النهارده جولت لازمن اشتريها،هروح أحطها على جدار بلكونه المكتب وهرعاها بنفسى ولما يچى الربيع هبجى أشتل من فروعها فى مزرعة تانيه لحد إن شاء الله ما يبجى عندنا،جصدى أملى البلكونه بالورد البلدى الأحمر.
…..ــــــــــــــــــــــــــــــ
مرت عدة أشهر
بدأ الصيف ينسحب قليلاً ويفتح للخريف طريق