لعنة الماضي سعاد محمد سلامه
فكر عقل نعمان وتذكر رباب
فقال لإسماعيل بسؤال:
والشخص ده لازمن يكون راچل؟
رد إسماعيل:لأه مش شرط،بس يكون عنده خلفيه حتى لو بسيطه بشغل السكرتاريه ويكون بشوش عشان هو اللى هيستجبل الزباين.
تبسم نعمان قائلاً:والمرتب جد أيه؟
رد إسماعيل قائلاً:أكيد المرتب مش هيبجى كبير فى البدايه،بس لو المكتب إشتغل زين وجتها بالتوكيد هزود له مرتبه،بس فى الاول كده المرتب هيبجى صغير.
تبسم نعمان يُفكر فى رباب،حقًا كما قال المرتب سيكون صغير لكن سيكون لها إحترام اكثر من وقفتها بمحل لبيع الملابس،وتتحمل سخافة الزبائن، كما أنها لن تضطر للسفر يوميًا للمركز وتنفق اكثر من نصف راتبها بالمواصلات،فـ مكان المكتب الذى أخبره إسماعيل علبه قريب من العزبه التى تقطن بها رباب،أقل من نصف ساعه سير على الأقدام
تنهد نعمان براحه قائلاً:عيندى لك يا ولدى الشخص اللى محتاچ له.
تبسم إسماعيل قائلاً:بجد يا شيخ نعمان هو مين.
رد نعمان:هجيبه لك وأچيلك المكتب المسا.
رد إسماعيل:أكيد المكتب يتبارك بيك أنا واثق فى إختيارك.
…. ـــــــــــــــــــــــــــــــ
مساءً
دخلت رباب، الى غرفة الشيخ نعمان بالمسجد، القت عليه السلام قائله:
السلاموا عليكم يا شيخ نعمان، أنت شيعت ليا، وجولت أنك عاوزنى أچيلك للچامع خير؟
رد الشيخ نعمان عليها السلام ثم قال : خير يا بتى، إجعدى أنتى جولتى لى أنك خلصتى السنه الى فاتت الدبلوم صُح؟
ردت رباب: أيوه، خلصت دبلوم تچاره، وكنت چايبه مچموع كبير، يدخلنى چامعه، أو حتى معهد صحى، بس الحاچ چبر، بجى الله يمسيه بالخير، جالى كفايه علام لحد إكده.
زفر الشيخ نعمان يستغفر، ربه، هامساً:
ده بدل ما كان يكمل الثواب معاكِ.
تنهد الشيخ نعمان قائلاً بتسأول : يعنى بتعرفى تكتبى على الآله الكاتبه؟
ردت رباب: أيوه بعرف أكتب عالآله الكاتبه، ويدى سريعه كمان، وكمان بعرف أشتغل عالكمبيوتر، كنت بدرسه فى المدرسه، وكنت مصاحبه الأبله، وفى الفسحه، أو أما يكون عندنا حصه فاضيه، كنت أروح أجعُد أمعاها، وتعلمنى عليه، صحيح مش متمكنه جوى، بس ماشى الحال، بس بتسألنى ليه يا عم الشيخ؟
نهض الشيخ نعمان واقفًا يبتسم قائلاً: تعالى أمعاى، يا بتى، وهجولك كل حاچه فى الطريج.